^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

287675
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
401
412
2486
283015
4660
13812
287675

ວັນທີ 20 ກັນຍາ 2019 ນີ້, 3 ໜ່ວຍພັກທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງເປີດກອງປະຊຸມໃຫຍ່ຄັ້ງທີ  III ຂື້ນຢູ່ທີ່ຫ້ອງປະຊຸມພະແນກສາທາລະນະສຸກແຂວງ ໂດຍການເປັນປະທານຂອງສະຫາຍ ດຣ ຄໍາຈັນ ອີນທອງໄຊ ກຳມະການພັກແຂວງ,ເລຂາຄະນະພັກຮາກຖານພະແນກສາທາລະນະສຸກແຂວງ, ມີເລຂາ-ຮອງເລຂາພັກ 3 ໜ່ວຍພັກ, ຄະນະຈັດຕັ້ງແຂວງ, ຄະນະໂຄສະນາອົບຮົມ,​ເລຂາຄະນະພັກຮາກຖານອ້ອມຂ້າງພະ​ແນ​ກ ຕະຫຼອດຮອດສະມາຊິກພັກສົມບຸນທັງ 3 ໜ່ວຍຄື: ໜ່ວຍພັກບໍລິຫານ,ໜ່ວຍພັກວີຊາການ,ໜ່ວຍພັກໂຮງໝໍແຂວງ ເຂົ້າຮ່ວມທັງໝົດ 79 ສະຫາຍ,ຍີ​ງ 49 ສະຫາຍ.

    

ໃນກອງປະຊຸມເລຂາໜ່ວຍພັກທັງ 3 ໜ່ວຍພັກໄດ້ຜັດປ່ຽນກັນຂື້ນຜ່ານຮ່າງບົດລາຍງານການເມືອງ, ບົດ​ສຳ​ຫຼວດການ​ນຳພາລວມຂອງ​ຄະນະໜ່ວຍພັກ ​ແລະ​ວາງ​ແຜນການ​ຕໍ່ໜ້າ ຕະຫຼອດໄລຍະ 5 ປີຜ່ານມາ ​ໄດ້​ເອົາ​ໃຈ​ໃສ່​ກໍ່ສ້າງ​ພັກ​ໃຫ້​ປອດ​ໃສ ​ເຂັ້ມ​ແຂງ,ໜັກ​ແໜ້ນ ທາງ​ດ້ານ​ການ​ເມືອງ​ແນວ​ຄິດ,ການຈັດ​ຕັ້ງ ​ແລະ​ ​ແບບ​ແຜນ ການ​ນຳພາ​ຂອງ​ພັກ,ເຊື່ອມຊືມຜັນຂະຫຍາຍມະຕິກອງປະຊຸມໃຫຍ່ຄັ້ງ X ຂອງພັກ ແລະ ແຜນພັດທະນາວຽກງານສາທາລະນາສຸກ 5 ປີ, ຄັ້ງທີ VIII.​ໂດຍ​ຖື​ເອົາ​ວຽກງານ​ປ້ອງ​ກັນ​ພະຍາດ​ແລະ ສົ່ງ​ເສີມ​ສຸຂະພາບ​ເປັນ​ຕົ້ນຕໍ່ ,ຖື​ເອົາ​ວຽກງານ​ປີນ​ປົວ ​ແລະ ຟື້ນ​ຟູໜ້າທີ​ການ​ເປັນ​ສຳຄັນ ​ແລະ ​ໄດ້​ຫັນ​ເອົາ 2 ຍຸດ​ທະ​ສາດ​ໃຫ່ຍມາ​ເປັນ 8 ​ແຜ​ນງານ,42 ແຜນງານຍ່ອຍ 97 ໂຄງການ ທີກະຊວງສາທາລະນະສຸກວາງອອກ ຕະຫຼອດ​ໄລຍະ 5 ປີຜ່າ​ນມາ 3ໜ່ວຍພັກ​ໄດ້​ປະຕິບັດ​ວິຊາ​ສະ​ເພາະ ​ແລະ ມີ​ຜົນສຳ​ເລັດ​ຫຼາຍດ້ານ​ເຊັ່ນ:ວຽກງານ​ບໍລິການ​ສຸຂະພາບຄົນເຈັບກວດເຂດນອກ  188,118 ເທືອຄົນ, ເປົ້າໝາຍ 180,000 ເທື່ອຄົນ ເທົ່າ 104,51% , ຄົນເຈັບເຂົ້ານອນປີ່ນປົວຢູ່ໂຮງໝໍແຂວງ 23,370 ເທື່ອຄົນ, ເປົ້າໝາຍ 23,500 ເທື່ອຄົນ ເທົ່າ 90%,  ອັດຕາການໝຸນໃຊ້ຕຽງ 100%, ເປົ້າ ໝາຍ 890% ຜ່າຕັດໃຫຍ່ປະຕິບັດໄດ້ 1,580 ເທືອຄົນ, ເປົ້າໝາຍ 1,700 ເທືອຄົນ,ເທົ່າ 92%, ຜ່າຕັດກາງ 1,203 ຄົນ,ເປົ້າໝາຍ 1,700 ຄົນເທົ່າກັບ 70% ຜ່າຕັດນ້ອຍ 4,960 ຄົນ,ເປົ້າໝາຍ 4,000 ຄົນ ເທົ່າ 124% ຜ່າຕັດລຸກອອກ 766 ຄົນ,ເປົ້າໝາຍ 1,000 ເທືອຄົນເທົ່າກັບ 78% ຊ່ວຍເກີດລຸກປະຕິບັດໄດ້ 5,292 ເທືອຄົນ,ເປົ້າໝາຍ 6,000 ຄົນເທົ່າ 88% ແລະ ວຽກງານອື່ນໆ.ວຽກງານ​ກັນ​ແລະ​ຄວບ​ຄູ​ມພະຍາດ​ຕິດຕໍ່ມີ​ຕາໜ່າງ​ເຝົ້າ​ລະວັງ 46 ​ແຫ່ງ,​ໂຮງໝໍ​ແຂວງ,​ໂຮງໝໍ​ເສນາ​ຮັກ,​​ໂຮງໝໍ ປກສ,​ໂຮງໝໍ​ເມືອງ 5​ເມືອງ ​ແລະ 39 ສຸກສາລາ.​ເຝົ້າ​ລະວັງ 18 ພະຍາດ/ອາການ ພາຍ​ໃຕ້​ລະບົບ​ເຝົ້າ​ລະວັງ​ແຫ່ງ​ຊາດ,5ປີຜ່ານມາ​ສາມາດ​ປ້ອງ​ກັນ​ໄດ້​ການລະບາດ​ຂອງ​ພະຍາດ​ໄຂ້ຍຸງ​ລາຍ​ເປັນ​ວົງ​ກ້ວາງ ​ແລະ​ບໍ​ມີ​ກໍລະ​ນິ​ເສຍ​ຊິ​ວີ​ດ.ວຽກງານ​ສັກ​ຢາ​ກັນ​ພະຍາດ​​ແມ່ນ​ໄດ້​ຈັດ​ຕັ້ງ​ປະຕິບັດ​ ສັກ​ຢາ​ກັນ​ພະຍາດ​ຕາມ​ຮອບ​ປົກກະຕິ ປ້ອງ​ກັນ​ໄດ້ 11 ພະຍາດ ​ແລະ ວຽກງານອື່ນໆຕືມອີກ.ກອງປະຊຸມຍັງໄດ້ປ່ອນບັດເລືອກຕັ້ງເອົາເລຂາ-ຮອງເລຂາໜ່ວຍພັກທັງ 3 ໜ່ວຍພັກ ໃນນັ້ນໜ່ວຍພັກບໍລິຫານເລືອກໄດ້ສະຫາຍ ດຣ ເເກ້ວ ອີນທະວົງ ເປັນເລຂາໜ່ວຍພັກ, ສະຫາຍ ນາງ ກົງຕາ ສຸດທິປັນຍາ ເປັນຮອງເລຂາ ແລະ  ສະຫາຍ ດຣ ສົມຊາຍ ຄູນສີລິເຮືອງ ເປັນຄະນະ, ໜ່ວຍພັກວີຊາການເລືອກໄດ້ສະຫາຍ ດຣ ບຸນມີ ສີສຸພັນ ເປັນເລຂາໜ່ວຍພັກ, ສະຫາຍ ດຣ ບົວນີນ ອີນໃຈ ເປັນຮອງເລຂາ ແລະ ສະຫາຍ ດຣ ຄຳມອນ ດວງພະຈັນ ເປັນຄະນະ, ໜ່ວຍພັກໂຮງໝໍແຂວງເລືອກໄດ້ ສະຫາຍ ດຣ ແສງວົງ ບຸດຕະວົງ ເປັນເລຂາໜ່ວຍພັກ,ສະຫາຍ ພູວຽງ ດວງດາລາ ເປັນຮອງເລຂາ ແລະ ພ້ອມດ້ວຍ 3 ສະຫາຍເປັນຄະນະ ເພື່ອຊີ້ນຳ-ນຳພາວຽກງານພັກໃນຕໍ່ໜ້າໃຫ້ມີບາດກ້າວຂະຫຍາຍຕົວ.

​   ໃນ​ຕອນ​ທ້າຍ​ກອງ​ປະ​ຊູ​ມຍັງ​ໄດ້​ຮັບ​ຟັງ​ການ​ໂອ້​ລົມ​ຂອງ​ສະຫາຍ ດຣ ຄຳ​ຈັນ ອີນທອງ​ໄຊ ກຳມະການພັກແຂວງ,ເລຂາຄະນະພັກຮາກຖານພະແນກສາທາລະນະສຸກແຂວງ ​ເຊີງ​ໄດ້​ເໜັ້ນໜັກ​ໃຫ້​ສະມາ​ຊີກ​ທຸກ​ສະຫາຍ​ ​ຮັກສາ​ມູນ​ເຊື້ອການ​ສ້າງໜ່ວຍພັກ​ເຂັ້ມ​ແຂງ-ຮູ້​ນຳພາ​ຮອບດ້ານ​ໃຫ້​ໄດ້​ຕະຫລອດ​ໄປ ​ແລະ ພ້ອມ​ກັນ​ເອົາ​ໃຈ​​ໃສ່​ຈັດ​ຕັ້ງ​ປະຕິບັດ​ວຽກງານ​ທີ​ຖືກ​ມອບໝາຍ​ຂອງ​ແຕ່​ລະສະ​ຫາຍ ແຕ່​ລະ​ພາກສ່ວນ​ໃຫ້​ສຳ​ເລັດ,ພ້ອມ​ກັນ​ຈັດ​ຕັ້ງ​ປະຕິບັດ​ຕາມ​ມະຕິ​ຄຳ​ສັງ​ຂອງ​ພັກ-ລັດ ​ໃຫ້ໜັກແໜ້ນ. ໂດຍ​ສະ​ເພາະ​ແມ່ນ​ຄະນະ​ພັກ​ຊຸດ​ໃໝ່​ໃຫ້​ເປັນ​ແບບຢ່າງ​ທີ​ດີ​ໃນ​ການ​ຊີ້ນຳ​ໆພາ​ມີ​ແບບ​ແຜນ​ວິທີ​ເຮັດ​ວຽກ,​ເພີ້​ມທະວິ​ຄວາມ​ສາມັກຄີ​ເພືອ​ເຮັດ​ໃຫ້​ວຽກງານ​ບັນລຸ​ເປົ້າໝາຍທີ​ວາງ​ໄວ້.