^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

326930
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
473
614
3334
320537
10706
10180
326930

ຕອນ​ເຊົ້ນ​ວັນທທີ່ 6 ກຸມພາ 2020. ຢູ່​ທີ​ຫ້ອງ​ປະຊຸມ​ຂອງພະແນກສາທາລະນະສຸກ​ແຂວງ​ຫຼວງ​ນໍ້າ​ທາ ​ໄດ້​ຈັດ​ພິທີປາຖະກະຖາວັນສ້າງຕັ້ງສະຫະພັນກຳມະບານລາວ  1 ກຸມພາ 1956 ​ຫາ 1 ກຸມພາ 2020. ຄົບຮອບ 64 ປີ ​ໂດຍ​ການ​ເປັນ​ທານ​ຂອງ​ທ່ານ ຄໍາ​ຈັນ ອິນ​ທອງ​ໄຊ ກໍາມະການ​ພັກ​ແຂວງ ຫົວໜ້າ​ພະ​ແນ​ກສາທາລະນະ​ສຸກ​ແຂວງ, ​ເຂົ້າ​ຮ່ວມ​ມີຮອງ​ຫົວໜ້າ​ພະ​ແນ​ກ, ຫົວໜ້າ-ຮອງ​ຫົວໜ້າ​ຂະ​ແໜງ ​ແລະ ພະນັກງານ​ວິຊາ​ການ​ເຂົ້າ​ຮ່ວມທັງໝົດ 56ທ່ານ; ຍີ​ງ 27 ທ່ານ.

 

ທ່ານ ຄໍາຈັນ ອິນທອງໄຊ ກໍາມະການພັກແຂວງ ຫົວໜ້າພະແນກສາທາລະນະສຸກແຂວງ ​ໄດ້​ເຜີຍ​ແຜ່​ມະຕິຂອງ​ກົມ​ການ​ເມືອງ​ສູນ​ກາງ​ພັກ​ວ່າ​ດ້ວຍ​ການ​ຄົ້ນ​ຄ້ວາ​ແນວ​ຄິດ​ໄກ​ສອນ​ພົມວິຫານ, ພ້ອມ​ນັ້ນ​ຍັງ​ໄດ້​ເຜີຍ​ແຜ່​ມະຕິ​ກອງ​ປະຊຸມ​ຄົບ​ຄະນະ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ຄັ້ງ​ທີ 9 ສະ​ໄໜທີ 10 ​ແລະ ​ເຜີຍ​ແຜ່​​ເອກະສານ​ວັນ​ສ້າງ​ຕັ້ງ​ກໍາມະບານ​ລາວ,​ໃນ​ທ້າ​ຍສັດຕະວັດ​ທີ 19 ພວກ​ລ່າ​ເມືອງຂື້ນ​ຝລັ່ງ​ເຂົ້າ​ມາ​ຮຸກ​ຮານ​ຍືດ​ຄອງ​ເອົາຫວຽດ ນາມ, ລາວ ​ແລະ ກໍາປູ​ເຈຍ​ເປັນ​ຫົວໜ້າ​ເມືອງ ​ແລ້ວສ້າງ​ຕັ້ງ​ສະຫະພັນ​ອິນ​ດູຈີນຝລັ່ງ​ເສດ​ຂື້ນ, ສ່ວນ​ປະ​ເທດ​ລາວ​ພວກ​ລ່າ​ເມືອງ​ຂື້ນ​ຝລັ່ງ​ເຂົ້າ​ມາ​ຍືດ​ຄອງ​ແຕ່​ປີ 1893 ຫາ ປີ 1954 ພວກ​ເຂົ້າ​ໄດ້​ເກັບ​ເກນ​ຊາວ​ໄຮ່​ນາ​​ໄປ​ຂຸດ​ຄົ້ນ​ເອົາ​ແຮ່​ກົ່ວ​ຢູ່​ບໍ່​ໂພນ​ຕິ້ວ ​ແລະ ບໍ່​ແໜ່​ງ​ແຂວງ​ຄໍາ​ມ່ວນ ​ໄປ​ເປັນ​ກູ​ລີ​ ເຮັດ​ທາງ​ ຈິງ​​ເກີດ​ມີ​ກໍາມະກອນ​ ລະດູ​ການ​ນັບ​ມື້​ຫຼາຍ​ຂື້ນ ​ແລະ ​ໄດ້​ກາຍເປັນ​ກໍາມະກອນ​ອາຊີ​ບ, ​ພາຍ​ໃຕ້ການ​ປົກຄອງ​ຂອງ​ພວກ​ລ່າ​ເມືອງ​ຂື້ນຝລັ່ງ​ໄດ້​ກົດ​ຂີ່​ຂູດຮີດ​ກໍາມະກອນ​ລາວ​ຢ່າງ​ໜັກໜ່ວງ​ພວກ​ເຂົ່າ​ບັງຄັບ​ໃຫ້​ກໍາມະກອນ​ອອກ​ແຮງ​ງານ 14-16 ຊົ່ວ​ໂມງ​ຕໍ່​ມື້, ອອກ​ແຮງ​ງານ​ຫຼາຍ​ໃຫ້​ຄ່າ​ຕອບ​ແທນ​ໜ້ອຍ, ຖຶກຕັດ​ເງີ​ນ​ເດືອນ​ໄລ່​ອອກ​ການ​ໂດຍ​ບໍ່​ມີ​ເຫດຜົນ​ພຽງພໍ ​ແລະ ຖຶກທຸບ​ຕີ​ທໍ່​ລະ​ມານ​ຢ່າງ​ແສນ​ສາ​ຫັດ​ຈາກ​ພວກ​ນາຍ​ທືນ, ຊີວິດ​ການ​ເປັນ​ຢູ່​ຂອງ​ກໍາມະກອນ ​ແລະ ປະຊາຊົນ​ລາວ​ບັນດາ​ເຜົ່າ​ອຶດ​ຢາກ​ຍາກ​ແຄ້ນ, ບໍ່​ໄດ້​ຮັບ​ການ​ດູ​ແລ​ດ້ານ​ສະຫວັດດີ​ການ​ສັງຄົມ, ບໍ່​ໄດ້​ຮັບ​ການ​ສຶກສາ​ຮໍ່າຮຽນ ​ແລະ ອື່ນໆ. ມາ​ເຖິງ​ວັນ​ທີ 1 ​ກຸມພາ 1956 ກົມ​ການ​ເມືອງ​ສູນ​ກາງ​ພັກ​ໄດ້​ມີ​ມະຕິ​ຕົກລົງ​ສ້າງ​ຕັ້ງ​ອົງການ​ຈັດ​ຕັ້ງ​ກໍາມະບານ​ລາວ​ຂື້ນ​ຢູ່​ເຂດ​ທີ່​ໜັ້ນ​ແຂວງ​ຫົວພັນ​ໂດຍ​ແມ່ນ​ທານ ສີ​ສົມ​ພອນ ລໍ​ວັນ​ໄຊ ​ເປັນ​ຜູ້​ຊີ້​ນໍາ​ເພື່ອ​ສືບຕໍ່​ໂຄສະນາ​ຂົນຂວາຍ​ເຕົ້າ​ໂຮມ​ກໍາມະກອນ, ຊາວ​ຜູ້​ອອກ​ແຮງ​ງານ​ລາວ​ບັນດາ​ເຜົ່າ​ໃຫ້​ມີ​ຄວາມ​ຕື່ນ​ຕົວ​ປະຕິວັດ, ມີ​ນໍ້າ​ໃຈ​ຮັກ​ຊາດ, ມາ​ຮອດ​ວັນ​ທີ 13 ຕຸລາ 1977 ກໍາມະບານ​ລາ​ວໄດ້​ເຂົ້າ​ເປັນ​ສະມະ​ຊິກ​ກໍາມະບານ​ໂລກ ​ແລະ ມາ​ເຖິງ​ວັນ​ທີ 14 ຫາ 16 ທັນວາ 1983 ກອງ​ປະຊຸມ​ໃຫ່ຍກໍາມະບານ​ທົ່ວ​ປະ​ເທດ​ຄັ້ງ​ທີ 1 ​ໄດ້​ໄຂ​ຂື້ນ​ຢູ່​ທີ່​ນະຄອນຫຼວງ​ວຽງ​ຈັນ, ​ປີ 1978 ຄະນະ​ປະ​ຈໍາ​ພັກ​ແຂວງໆ​ຫຼວງ​ນໍ້າ​ທາ​ ໄດ້​ແຕ່ງ​ຕັ້ງ​ຄະນະ​ຂົນຂວາຍ​ສ້າງ​ຕັ້ງ​ອົງການສະຫະພັນ​ກໍາບານ​ແຂວງ​ຂື້ນ​ຢ່າງ​ເປັນ​ທາງ​ການ ​ແລະ ພິທີ​ດັ່ງກ່າວ​​ໄດ້​ເຜີຍ​ແຜ່​ກົດ​ໝາຍວ່າ​ດ້ວຍ​ກໍາມະບານ​ລາວ​ສະບັບ​ປັບປຸງ​ຕື່ມ​ອິກ.